الأعمال الرسمية

إبداعات الاعضاء

العودة   Dark Wingz > مواهب Dark Wingz > الركن الأدبي > بقولك ايه يا صاحبي xd


إضافة رد
 
أدوات الموضوع انواع عرض الموضوع
  #1  
قديم 11-30-2014, 09:52 PM
الصورة الرمزية الغامضه
الغامضه
 
تاريخ التسجيل: Jul 2012
المشاركات: 48
شكراً: 13
تم شكره 14 مرة في 6 مشاركة
نقـاط الترشيح: 0
نقـــاط الخبـرة: 20
آخــــر تواجــد: 08-24-2016 (02:17 AM)
السلاااااااااام عليكم يا اهل دارك وينجز ..

ان شاء الله بخير وسعاده وهناء

احب اطل عليكم بحاجه خفيفه كده باللهجه المصريه


اتمني تستمتعو وتستفادو وما تكون تقيله عليكم



*** بقولك أيه يا صاحبي***


- بقولك ايه يا صاحبي انا في مشكله ومحتاج مساعدتك
• خير يا صديق العمر ارغي
- انا بحب البت (....) ومش عارف اعمل ايه
• ايوة يعني انت عايز ايه دلوقتي ف ليلتك
- يا عم بقولك بحب فلانه تصدق ياض انا غلطان اني جاي استشير امثالك
• خلاص يا عمو الحبيب براحه كده وفهمني حصل ايه
- بص .. ومن غير تريقه علشان عارفك لسانك اطول منك
• حاضر
-فلانه معايا في #الجامعه اعجبت بيها وبعدين حبيتها هي مؤدبه جدا .. ومرحه ولطيفه وشخصيه جباره كده تحس انها عايزة تعمل حاجات كتير... هي مميزة عن اللي حوليها ... وانا عايز اكلمها واقولها بس حاسس انها ممكن ترد عليا ببواخه دورت ع رقمها علشان اكلمها واقولها بس خوفت بقي .. هاه اعمل ايه ؟
• عملك اسود ومهبب ياض
- ليه كده طاه تخلنيش امد ايدي عليك
• وانت عايزة تكلمها ليه اصلا ؟
- علشان اقولها يا ذكي
• وتقولها ليه
- هو ايه اللي اقولها ليييييييه... اعرفها .. ع الاقل اضمنها .. اخاف تضيع مني
• وانت لما تقولها هتضمنها ؟
- طبعا لازم اكلمها
• طب ايه رأيك تكلمه هو الاول
-اكلم مين ؟
• ربنا
- لا وضح
• بص ... انت بتقول خايف تضيع منك و كلام من دهوت صح .. لا مش هضيع اهي قاعده مرزوعه اهي ... كلم ربنا وادعي تكون من نصيبك واستودعها عند الذي لا تضيع عنده الودائع ... ولما تبقي جاهز... زي ما دورت كده ع رقمها دور ع رقم باباها وكلمه
- طب افرض يعني ...
• بلا افرض لا ماتفرضش بلاش شغل العيال ده .. عيب انت كبير !
- ياض ماتزعقش
•مش بزعق اخفيف وبعدين دي اللي انت عايزها اصلا ولا هو طياري بس واعجبت بحاجه بتلمع وخلاص ؟
- قصدك ايه
؟
• يعني انت عارف نفسك وعارف مواطن قوتك وضعفك وعارف هدفك في الحياه و ع اساسه قادر تختار مين يكمل معاك طريقك وحاطط له مواصفات .. ولا مجرد حاجه بتلمع عجبتك اخدتك حب امتلاك الشيئ ؟
-امممممم
• بص يا #رفيق_الدرب انت عمرك وحياتك دول هتبنيهم ازاي عايش ازاي ..انت هتكون مشارك في بناء جيل.. واحتمال تؤثر في امه كامله ... انت عارف انت ايه وعايز ايه ولا عايش زيك زي غيرك هيموت وخلاص ؟
- امممممم ... يعني انت عايز ايه دلوقتي
• عايز سلامتك ياض اعرف نفسك الاول ... وهيئها و ادعي ربنا .. وبعدين توكل ع الله وكلم ابو البت ... وفوكك من جو الفكسان ده
- انت رأيك كده ياض يا صاحبي
• ايوة ... غور بقي

#صحبه_صالحه
#سبب_في_احياء_امة
#غور_ياض
#غموض




هااااح خلصت

انتقادتكم وأرائكم بقي



رد مع اقتباس
 
الغامضه غير متواجد حالياً
إضافة رد

مواقع النشر

الكلمات الدليلية
دارك وينجز, صاحبي, صالحة, صحبة, غموض


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:53 PM.